Sustraiak filma Hiba, Bachir eta Mananen inguruko filma da. Nafarroara heldu baten laguntza edo babesik gabe iritsi ziren hiru gazteren istorioa. Adinez txikikoen babeserako hainbat zentrotatik igaro ondoren, 18 urte bete eta beren bizitzarekin aurrera jarraitzeko modua bilatzen saiatzen ari diren hiru gazteren istorioa. Hiru istorio eta hiru bide desberdin, hori bai, soka berdin batek heltzen dituenak: eskalada. Luis Arrieta zinemagilearen filma Bilbon eginen den Mendi Film Festivalen estreinatuko da abenduaren 13an, eta urtarrilean iritsiko da Iruñeko Golem zinemetara.