Azaroaren 7an iritsiko da Gora Gora Fest euskarazko kultur zikloaren V.edizioa. Euskara horren ohiko ez den 65 herritara iritsiko da ikuskizun mota desberdinen bitartez: familiarteko antzezlanak, ipuin kontalariak, tailerrak, magia ikuskizunak edo dantza. 3.000 biztanle baino gutxiagoko txokotan ere euskaraz disfrutatzeko aukera eskaini nahi die Euskarabideak ziklo honen bidez.
10 ikuskizun guztira, 65 herritan
Jabi Arakama Euskarabideko zuzendari-kudeatzailearentzat garrantzitsua da euskaraz ikasten duten, baina euskaraz bizi ez diren horiengana iristea ziklo honen bidez: "Euskaraz ikasten duten haur asko bizi dira horren euskaldunak ez diren herrietan eta horien eskubide ere bada aisialdian euskarazko eskaintzaz gozatu ahal izatea", adierazi du.
Ablitas, Andosilla, Aribe, Betelu, Irañeta, Irurtzun, Lerin, Lodosa, Los Arcos, Barasoain, Erronkari, Zangoza, Santakara edo Zubirira iritsiko dira ikuskizunak Gora Gora Fest zikloari esker.