Zizur Nagusiak bizilagunei galdetuko die herriko festen egutegia aldatu nahi ote duten edo ez. Abenduaren 14an eginen dute galdeketa. Gakoa izanen da jakitea ea herritarrak prest dauden jaien data aurreratzeko edo ez, bereziki ez daitezen izan haur, nerabe eta gazteen eskola ikasturte hasierarekin batera. Irailaren 14aren bueltan ospatzen dituzte Zizur Nagusiko jaiak eta aurreratzeko aukeraz galdetuko du Udalak. Duela bi urte sortu zen eztabaida Hezkuntza Departamentuak ez zuelako baimendu haurrei ikastetxeetan jai izan zezaten. Zizur Nagusiko ikastetxeetara beste herrietako haurrak ere badoazela esanez arrazoitu duzen departamentuak bere erabakia zentzurik ez zuela ikusten jai ematea Zizur Nagusiko festak zirelako. Hartara, txupinazora joan nahi duten haurrek edo gerora izaten diren kalejira edo jolasetara gurasoen baimenarekin joaten ahalko dira bakarrik.
Galdeketa, abenduan
Aurreratu nahi al duzu festen data? Hori izanen da lehen galdera. Baiezkoa baldin bada erantzuna beste bi aukera emanen dira: abuztuko azken asteazkenetik igandera nahiko zenuke izatea edo iraileko azken asteazkenetik igandera? Irailaren 14an 16 urtetik gorako zizurtarrak deituko dituzte galdeketa horretan parte hartzera.