Bi saio bereizi eginen dituzte torturari buruzko laugarren konferentzian: lehenengoan, Ipar Irlandako kasua ezagutzeko baliatuko dute. Horretarako, John Finucane abokatua izanen da; bigarren saioan Nafarroako eta Euskal Herriko kasuen testuinguruak aztertuko dituzte Iñigo Nuin abokatuarekin.
Ipar Irlandako kasuaz arituko da beraz Finucane, haren aita hil zuten1989an paramilitar lealistek, Ingalaterrak zerbitzu sekretuekin bat eginez, eskubide zibilen aldeko abokatu ezaguna. Haren semea, Iruñean izanen dena azaroaren 6an, zuzenbidean lizentziatua da eta Belfasteko lehen alkate nazionalista izendatu zuten 2019an. Iruin berriz, abokatua, Lasa eta Zabbala, Mikel Zabalza edota Jose Miguel Etxeberria Naparraren kasuetan aritua, saioaren bigarren partean izanen da Euskal Herriko errealitate horretaz hitz egiten.
Torturaren abaroan sortutako adierazpen artistikoei ere tartea zabalduko diote, kasu honetan, azaroaren 9an Iruñerriko Mankomunitatearen Pinaquy aretoan. Egiazko hiru istorio taularatuko dituzte: Iker Aristuk bizitakoa kontatzen du Gau Iluna mikroantzerkiak, Aingeru Zudairerena Argia iluntasunean izenekoak eta Metxe Gonzalezena Nire-Gure torturaren oihartzuna izenekoak.
2022an antolatu zuen Nafarroako Torturatuen Sareak elehen konferentzia, Tortura Nafarroatik harago oizenarekin. Torturatuen eta adituen esperientziak partekatu zituzten. Erreparazioaren gaiari heldu zioten bigarrengoan eta hirugarrengoan ere. Bide horretan, Polizia Gehiegikerien Legearen bidez Nafarroan 56 tortura kasu aitortu dira.