"Konfidentzialak, seguruak eta azkarrak dira GIBaren birusarekin kutsatu ote zaren jakinarazten duten probak", azaldu du Jon Uranga Sare Elkarteko, GIBa eta HIESAren babeserako Elkarteko kideak. Hezkuntzan inbertsio handiagoa egin behar dela ohartarazi dute Saretik: "Eskoletatik abiatu behar da prebentzioa. Informazioa eman, zaintza lehenesteko jarrerak erakutsi eta prebentzioa landu", esan du Urangak. Skolae programaren bidez 2017tik ikastetxeetan egiten ari dira lanketa, baina oraindik ere bidea luzea dela uste dute. Hartara, informazio-kanpainak ere ezinbestekoak dira herritarrak oro har adi egon daitezen: "Sexu harremanetan ere norberaren zaintza exijitzea ezinbestekoa da", uste du. Infomazioa banatu dute eta gerturatu direnen artean zalantzak argitu dituzte Karlos hirugarrenean jarritako stand-aren bitartez.
Sare Elkarteak, GIB eta HIESAren babesa eta prebentziorako Elkarteak informazio gune bat jarri du GIBa detektatzeko proba azkarraren Nazioarteko Egunean herritarrak kontzientziatzeko: "Sexu bidezko arrisku harreman izan baditu norbaitek proba azkarrak egin ditzakete birusarekin kutsatu diren jakiteko", azaldu du elkarte horretako kide Jon Urangak. Proba horiek botiketan, emakumenarenganako arrerta zentroetan edota Sarek berak dituen egoitzetan egiten ahal dira.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!