Uda garaia amaitu da esku-pilotan. Ados Pilota klubari dagokienez, Udara Caixabank eta Plazaz-Plaza txapelketek bete dute azken hilabeteetako egutegia. Bata irailaren 26an amaitu zen, Ainhoa Ruiz de Infante eta Leire Galeanoren garaipenarekin; eta besteak joan zen larunbatean izan zuen finala, Donamarian. Txapelak Iera Iturriagak eta berriz ere Leire Galeanok jantzi zituzten.
Iturriagak txapela ugari lortu du honezkero. Halere, eutsi egiten dio oraindik ilusioari eta garaipen goseari. Uda arrakastatsua izan du, eta azken txapelketen balantzea egin du Kirolerria saioan. Ados klubaren bilakaeraz ere mintzatu da.