Saharar herria babesten duen Baztan-Bidasoako taldea, Saharaztan, tonbola bat prestatzen ari da Elizondoko udazkeneko ferietan jarri ahal izateko, urriaren 24 eta 25ean. Asmoa da, tonbola horrekin lortzen duten dirua 'Oporrak Bakean' egitasmorako bideratzea. Udan urtero iristen dira haur sahararrak Nafarroara egitasmo horri esker eta sortzen diren gastuak apaltzeko helburu du azoka egunetan jarri nahi duten tonbolak. Herritarrak, entitateak, artistak, enpresak ... deitu dituzte dohaintzak egin ditzaten tonbolan sari gisa jarri ahal izateko. Tonbola horretan saltzen den guztiaren dirua Oporrak Bakean egitasmora bideratuko dute. Parte hartu ahal izateko saharaztan@hotmail.com helbidera mezua bidaltzen ahal da. Urriaren 10a arte egiten ahal da edozein motatako dohaintza.
Elizondoko ferietan, urriaren 24 eta 25ean, Saharaztan Elkartean tonbola bat paratu nahi du 'Oporrak Bakean' programa finantzatzen laguntzeko. Horretarako, herritarrei, enpresei, elkarteei, entitateei, saltokiei eta artistei produktuak dohaintzan eman ditzatela eskatzen ari dira tonbola horretako opariak izan daitezen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!