A zer nolako asteburua nafar kirolarendako. Emakumeak protagonista mundu zabalean. Ruandan, Kiribatiko txirrindularitza munduko txapelketan, Paula Ostiz gazteak besoak altxatu zituen helmugan, sprintean, bere aurkarien aurrean nagusitu eta gero. Munduko txapelduna da Sanduzelaikoa, ortzadar maillota jantzi du. 18 urte soilik ditu eta bere ibilbidea hasi besterik ez da egin.
Nazioarte mailan ere, Europako eskubaloi kopan, Beti Onak taldeak historia egiten jarraitzen du. Bere lehen aldia da onenen artean lehiatzen eta larunbatean 26 – 25 gailendu ziren Galychanka Liv, Ukrainiako taldearen aurka. Detaile bat ere utzi digu norgehiagokak, partidaren aurretik talde bakoitzak bandera bat atera zuen argazkia egiteko, Livekoak Ukrainiako bandera, Beti Onakeko jokalariek Palestinakoa.
Eta hau gutxi balitz, asteburuak beste una historiko bat ere utzi digu, kasu honetan Indian, Delhin, egiten ari diren atletismoko txapelketa paralinpikoetan. Izaskun Osesek zilar domina lortu zuen atzo 1.500 metroko lasterketan. Atleta beteranoa da jada Oses, baina jarraitzen du onenen artean lehiatzen eta domin honek horrela erakusten du. Kasu, agian ez dela azkena izanen, bihar 400metroko lasterketan ere lehiatuko baita.