Etxeko lanak egin gabe abiatu du ikasturtea Carlos Gimeno Hezkuntza Kontseilariak. Pasa den urtean, protesta eta hiru greba deialdirekin aurrez aurre izan zituen irakasleak oraindik ere kexu ditu, beren aldarrikapenak ez direlako aintzat hartu. Gimenok gatazkaren itxiera faltsua egin zuen gutxiengo sindikalarekin akordioa sinatuta, ratioak jaisteko konpromezu txikia hartuta. Baina gehiengo sindikalarendako ez da nahikoa. “Ratio jaitsiera batzuk eman dira, baina lehen urtetik hasi dira, beraz seigarren mailara iritsi arte 8 urte pasako dira” salatu du STEILASeko Raul Lopezek, “DBHn datorren ikasturtean hasiko dira ratioak jaisten, baina errepikatzaileak kontatu gabe, hauda tranpa egiten”.
Irakasleen beharrak ere ez dira asetzen ari, ez dago orientatzaile nahikorik, burokrazia lanek ez dute etenik eta interinitateak, ehunka kilometo egitera behartzen ditu.
Hezkuntza kontseilariaren kontrako kritiketan, STEILASeko arduradunak ez zuen Gimenoren euskarafobia ahantzi nahi. Corellan D eredu publikoa ezartzeari jarritako trabak azken adibidea dira, PAI D ereduaren gatazka edo ta Oronozko lanbide heziketarekin dituen tirabirak ahaztu gabe.