Hezkuntza proiektua Larraintzar Ikastetxeko Guraso elkarteko ama batzuen ekimenetik sortu zen, duela ia hamar urte. Geroztik, inguruko hainbat gai landu eta leku edo ingurune naturalak bisitatu eta aztertu dituzte. Ikastetxearen kokapen pribilegiatua aprobetxatuz, ikasgela esperimental gisa, inguruneaz baliatu dira.
Programaren helburu nagusiak ikasleak motibatzea, adin desberdinetako haur eta gazteen arteko harremanak sustatzea, parte-hartzea bultzatzea, gurasoen eta eskolaren arteko harremanak indartzea, eta ingurumen arazoei buruzko kontzientzia piztea dira.
Virginia Iragik, Beatriz Ihabenekin batera, proiektua kudeatzen du. Gurekin izan dugu Sustraiak hamar urteetan izan duen garapenaz eta errealitateaz hitz egiteko.