Lizarran ere gutxiago falta da herria jai giroan murgiltzeko. Iaz bezala, aurten ere, debekuak iristen ari zaizkie zenbait kolektibori. Joan den astean, txosna batzordearen haserrea ezagutarazi zuten trabak jartzen ari zaizkielako UPNren udal gobernutik festagunetik aldenduta nahi dituelako txosnak aurten ere.
Orain, Lizarrako guraso euskaldunen kexak iristen ari dira: Hamaika ekimen antolatu ditu udalak datorren astean abiatuko diren festetarako, tartean, haur programazio zabala osatu du UPNren gobernu taldeak. Zabala, baina ez anitza. Guztien artetik bakarra izanen da euskaraz, eta hara, noiz eta erraldoi eta buruhandien kalejirarekin bat egiten duen ordutegian. Haurrek eta haien familiek zirt edo zart egin beharko dute, beraz, erabaki zein ikuskizunetara joan. Ez da euskarekiko udal gobernuak egin duen hautaketa bakarra: udan hiriaz gozatzeko kontzertuak eta udako zinema emakizunak antolatu baititu udalak: bost musika emanaldi eta bost film… horietatik bat bera ere ez da euskaraz izanen. Euskarafobia dario Lizarrako udalari.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!