Hezkuntza Departamentuak Lehen Hekuntzako irakasle oposizioak deitu ditu 2026rako; urrian argitaratuko dute deialdia. Guztira 290 plaza eskainiko dituzte, 215 gaztelaniazkoak eta 75 euskarazkoak, %25 inguru. Irakaskuntza arloei dagokienez hau da aurreikusitako banaketa: hamar plaza ingelesa irakasleendako, bederatzi musika irakasleendako, sei pedagogian, zortzi entzumena eta hezkuntzarako, eta azken 42 plazak Lehen Hezkuntzako irakasle orokorrendako. Musikako eta arte eszenikoetako irakasleen kidegoaren kasuan, hemezortzi plaza eskainiko dira eta guztiak gaztelaniaz.
Afapna sindikatuaren iritziz plaza kopurua ez da nahikoa, %8tik oso urrun dagoelako. Exekutiboak uztailaren 31ra arte eman du epea alegazioak aurkezteko.
Nafarroako Gobernuak iragarri du halaber, 2027an Bigarren Hezkuntzako 572 plazako lan-eskaintza aurreikusi dutela.