Zurrumurru, filtrazio eta polizia txostenen aurrean, gardentasuna. PSNk, EH Bilduk, Geroa Baik eta Zurekin Nafarroak ikerketa batzorde berri baten eraketa adostu dute Nafarroako Parlamentuan, kontratazio publikoen inguruan azken aldian zabaltzen ari diren ustelkeria zantzuak argitzeko. Honela, azken lau legegintzaldietako esleipen publikoak aztertuko dira, Yolanda Barcinaren gobernutik, Uxue Barkos eta Maria Chiviteren exekutiboetara. Helburua, gaiaren gainean argia ematea eta jardun publikoan ustelkeriarik izan dela azaltzea.
Horixe bera dio Maria Chivite lehendakariak, azken egunotako albisteak ezagututa. “Ez dago polizia txosten eta filtrazioetan, Nafarroako Gobernuaren jarduna, jokabide ilegalekin lotzen duen frogarik”. Are gehiago, Chivitek dimititu behar izan dute bere alderdikide eta konfidantzazko lagunekin distantzia markatu du azken egunean, “Ez Santos Cerdan ezta Ramon Alzorriz ere, ez dira Nafarroako Gobernuko parte, ez ditzagun gauzak nahastu”. Foru Gobernua akusazio moduan aurkeztuko da auzian eta aurrera jarraituko du eskatutako hiru auditoriekin. “Azkeneraino joko dugu, bidean, erortzen dena erortzen dela” esan du Chivitek.