Budimir eta Raul Garcia de Haroren golek eman zioten garaipena talde iruindarrari. Etxean laugarrenez irabazi zuten jarraian. Arratsaldea ez zen guztiz biribila izan, ordea, Rayok irabazi egin baitzuen bere partida. Ondorioz, Osasuna Europako postuetatik kanpo iritsiko da larunbatean Alavesen zelaian jokatuko duen partidara, eta Rayok edo Celtak estropezu egitea beharko du Konferentzia Ligan sartzeko. Europa Ligako txartela ere lor lezake.
Beste ertz batzuk ere izan zituen Sadarreko azken partidak. Nagusiena, akaso, Unai Garciak ez zuela minuturik eduki bere etxeko agurrean. Omenaldi polita jaso zuen kapitain gorritxoak, eta Pablo Ibañezi gera dadila eskatu zioten zaleek. Haren negar malkoek garbi iradokitzen dute ez duela Osasuna jarraituko. Nahi du, baina ezingo du. Eta Vicente Moreno, berriz, oharkabean igaro zen Sadarreko aulkian teknikari gisa eseri zen azken aldian.
Horren guztiaren inguruan mintzatu dira Kirolerria saioko ‘Osasun-etxea’ tartean. Solasaldia hemen entzungai.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!