Bigaren "Itzulera eguna" du gaur Hatortxu Rock jaialdiak eta goizean goiz Latzen talde handiaren iragarpena egin eta gero, eguerdian Iruñeko Skatu taldearen parte hartzea iragarri du antolakuntzak. 2007an sortu zen taldea Iruñean eta zortzi urtez ska, reggaea eta punk doinuez zipriztindutako musika sortu eta zabaldu zuten Euskal Herri osoko eskenatokietan. Hiru diska karrikaratuta 2015ean amaitutzat eman zuten beren ibilbidea. Hamar urte pasata, berriz ere elkartu dira azken Hatortxuan jotzeko aukerak bultzatuta.
Gaur ezagututako Latzen eta Skatu, aurrez iragarritako Buitraker, Autobus Magikoa eta Never Surrenderren itzulerak izanen dira aurten Hatortxurock bereziaren pizgarrietako bat.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!