Gizonezkoek, erronka zaila zuten Championsean sartzeko borrokan den Athletic-en aurka, baina gorritxoek, aurreko partidetan ikusi ez den itxura agertu zuten SanMamesen. Atzekaldean sendo aritu zen Osasuna, 5 defentsako lerroak, joku erasokorrarengatik nagusi den Athletic lehortu zuen eta hesia gainditu zuten jokaldi bakanetan, Aitor Fernandez erraldoi bat topatu zuten. Ordezko atezainak ongi probestu zituen, Sergio Herreraren zigorrarengatik, aurtengo denboraldian izan dituen lehen minutuak. Bere eskuek ekidin zituzten bilbotarren golak. Atea hutsean mantenduta, Osasunak egin beharrekoen erdia baino gehiago lortu zuen. Baina atzeko sendotasunetik ateratzea kostatu zitzaion talde gorrixoari eta Athletic-eko atzelariek lan ona egin zuten Budimirrek edo Aimar Orozek baloirik ukitu ez zezaten. Edonola ere, ontzat eman daiteke hutseko berdinketa, 34 punturekin uzten duena gizonezkoen Osasuna eta jaitsiera postuak zazpi puntutara uzten dituenak. Hurrengo partidan Leganesen, gorritxoek ez jaisteko lehia honetan kolpea eman dezakete garaipena eskuratuta. Vicente Moreno entrenatzaileak arnasa hartu du, eta pozik azaldu da berdinketarekin.
Bat gutxiagorekin, ona da berdinketa
Irabazi ezin denean, ona da berdinketa. Hori ere pentsatzen du Emakumezkoen Osasunako entrenatzaileak, Alavesen kontrako euskal derbyan banako berdinketa lortuta. Gorritxoei maldan gora jarri zitzaien partida, 44.minutuan Carmenenek bigarren txartel horia ikusita kanporatu zutenean. Hala ere, jokalari bat gutxiagorekin Maria Barquerok Osasuna aurreratu zuen bigarren zatiaren hasieran baina babazorroek berehala berdindu.
Berdinketa ez da txarra Osasunarendako, igoera postuetan sartzeko leian den Cacereñok bere partida galdu zuelako. Horrela gorritxoek berdindu dute haren postua sailkapenean eta nork jokatuko igoera kanporaketak ligako azken 3 jardunaldietan erabakiko da. Hurrengo jardunaldia zaila izanen da gorritxoendako, sailkapenean bigarren den Alhama taldearen etxea bisitatuko baitu.
