1999koa da langile publikoen azken estatutua eta sindikatuen arabera (LAB, Afapna, CCOO, ELA eta UGT) zaharkitua dago. Karrera profesionala langile guztientzat izan behar dela iruditzen zaie; batzuen eta besteen desberdintasunak zuzentzeko, egonkortasuna handitzea langileen artean ere ezinbesteko jo dute kalitatezko zerbitzua eman ahal izateko, lan kontratudunen hitzarmena berritzea, kontziliazioan aurrera pausoak ematea eta lan-taldeen dimentsionamendu egokia jasotzea. Baliabide eta errekurtsoak galdegiten dituzte: osasunbidean esaterako, mediku bakoitzak gaixo bakoitzarekin egoteko duen denbora ez da nahikoa eta hori zuzentzeko mediku gehiago beharko lirateke edo hezkuntzan plantillen gaztetzea.
Negoziazioetan parte aktibo izan nahi dute eta ezagutu esku artean Gobernuak duen informazio guztia, bestela indar korrelazioa desorekatua dago. Apirilaren 9an greba eguna izanen dute administrazioko langileek, 30.000 inguru.
