Tafalla, Erriberri, Lizarra, Viana, Zizur Nagusia, Zangoza, Lodosa eta Garesko udalek eta Irantzu Mankomunitateak VIII. Ager Vasconum Literatur Lehiaketa antolatu dute. Euskarazko poesia eta narrazioa lanak saritzen dituzte urtero, lehiaketak euskarazko idazketa sustatu nahi duelako hizkuntza berreskuratzeko prozesuan dauden herrietan.
12 eta 30 urte bitarteko gazteei zuzenduta dago. Parte hartzen duten udalerriren batean erroldatuta edo bertan ikasi izana edo ikasten egotea da bete beharreko baldintza. Poesia zein narrazio lanetan gaia librea da eta testuak argitaratu gabeak izan behar dira. Ez dira onartuko adimen artifizialarekin sortutako lanak, ezta egilearen izena dokumentuan jasotzen dutenak ere.
Narratiban, luzera bi eta bost orrialde artekoa izango da, eta, poesian, poemek 10-20 bertso izan beharko dituzte gutxienez, adin-tartearen arabera.
Sariak eta epeak
Sariak eskudirutan banatuko dira kategoria eta modalitate bakoitzean. Parte hartzaile gazteenei 50 euro ordaindu beharko dituzte, eta goiko kategorian 300 euro. Gainera, merindade bakoitzean nabarmentzen den lan bati aipamen berezia egingo zaio, Elkar Sariaren bitartez.
Lanak 2025eko apirilaren 29ra arte aurkez daitezke. Fisikoki paperean entregatu daitezke lanak edota internet bidez euskara@tafalla.es helbidera bidaliz. Ekainaren 12an jakinaraziko ditu epaimahaiak izen irabazleak eta sari banaketa ekainaren 19an izango da, Garesen, arratsaldeko 19:00etan.
Informazio gehiagorako kontsultatu www.agervasconum.eus webgunea.
