Boleibola aipatuta, askori umetako soinketa klaseak edo hondartza giroko lagunarteko partidak datozkigu gogora. Baina hortik harago ere jokatzen da boleibolean. Zenbait taldek kirol hau egiten dute esklusiboki, eta horietako bat da Navarvoley.
Harrobian lan egiteaz gain, maila lehiakorreko taldeak ere baditu, Euskal Herriko txapelketaren barruan. 2008an hasi zen baloiak astintzen, eta geroztik, ikusezintasunaren sarea gainditu nahian dabil.
Bada, Navarvoley taldeko bi kide gonbidatu ditugu Kirolerrira: Imanol Garde eta Juan Sagues. Boleibolaren bereizgarri, ezaugarri eta bitxikeriez galdetu diegu, baita klubaren egoeraz ere. Solasaldia hemen entzungai.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!