Duela ia 20 urtetik hona, hizkuntza koofizialak normaltasunez erabiltzen dira Europako erakunde gehienetan, Diputatuen Kongresuan eta Senatuan erabiltzen diren naturaltasun berarekin, bai eta beren autonomia-erkidegoetako, gobernu eta parlamentu autonomikoetako, diputazioetako eta udaletako bizitzaren eta administrazio publikoaren alderdi guztietan ere.
Kanpo Arazoetako Ministerioak nabarmendu zuenez, "Europar Batasunean hizkuntza koofizialen erabilera sustatzea Gobernuaren lehentasuna da, gure nortasun eleanitza Europara eramateko eta erakundeak herritarrengana hurbiltzeko helburua lortzeko.
Astearte honetan hartutako erabakiarekin, hemendik aurrera euskara, katalana eta galegoa ere erabili ahal izanen dituzte Europako Ekonomia eta Gizarte Lantaldeko kideek osoko bilkuretan.
Europako Ekonomia eta Gizarte Komitea Europar Batasuneko organo aholku-emailea da, eta langileen eta enpresaburuen erakundeetako eta beste interes-talde batzuetako ordezkariek osatzen dute. Europar Batasuneko gaiei buruzko irizpenak ematen ditu Europako Batzordearentzat, Europar Batasuneko Kontseiluarentzat eta Europako Parlamentuarentzat, eta zubi-lana egiten du erabakitzeko ahalmena duten Batasuneko erakundeen eta Europako herritarren artean.
