Lanuzteetara deitu dituzte villavesetako langileak. Goizeko sei terdietan hasi dute modu horretan protesta, eta goizeko zortzi terdiak arte izanen dute geldialdia. Ordu horietarako zerbitzu minimoak %60koak izanen dira.
TCC enpresako langileen ordezkariek deitu dute lanuztea egitera, lan-hitzarmenaren negoziazioa etenda dagoela salatzeko eta beharrezkoa dutelako euren lan baldintzak duinduko dituen ituna adostea. Ez bada aurrera egiterik lortzen, ostegunean ere lanuzteak eginen dituzte eta datozen asteetan ere ildo bera segituko dute: astearte eta ostegunetan geldialdiak egiten.
Enpresa eskaintzen ari zaiena da, soldataren igoera funtzionarioen pareko, eta kexu dira langileak, beti igoera hori KPIaren araberakoa izan delako. Onartuko lukete igoera hori, beti ere, funtzionarioek dituzten beste hobari batzuk ere emanen baliete: 106 ordu gutxiagoko lanaldiak edota baja sistema hobea.
Langileek badituzte beste eskaera batzuk, atzetik datozenak: ibilgailuen mantenimendu lana egoki egitea, egun, ez direlako egiten ari eta autobus askok dituztelako gabeziak, eta bestetik, langileek komun zerbitzuak izatea.