Belateko tunelen bikoizte lanek aurrera jarraitzen dute eta horrek tarteka, trafikoa moztea ekarriko du. Gaur zehazki, egungo tunelean ekipamendu sismografoak instalatuko dira, egiten ari diren tunelean egingo diren hurrengo lanek eragindako bibrazioak kontrolatzeko. Goizeko zortzietan itxi dute tunela eta trafikoa Belateko mendate zaharretik desbideratu. Arratsaldean, lanak bukatuta, berrirekiko da bidea.
Belateko tunel berria urte eta erdi barru zulatuta egongo da. Iparraldeko ahotik 260 metro zulatu ondoren, leherketak egitea aurreikusten da aurki eta, ondorioz, N-121-A errepidean mozketa puntualak egin beharko dira berriz.
