Lan Erregulazio Espedientea bukatzen zen egunean berean, atzo, kalera atera ziren langileak, familiak eta gertuko hainbat eta hainbat bizilagun Sunsundegiren etorkizunaren alde. Dena dela, Lan Erregulazio Espedientea beste hiru hilabetez luzatzea erabakia du zuzendaritzak, besteak beste, egon litekeelako enpresaren bat interesa izan lezakeena Sunsundegirekin.
Soluziobideak galdegin dituzte, Sakanan lan eta bizi nahi dutelako. Industria plana eta kalitatezko enplegua beharrezkoak direla aldarrikatu dute. Une erabakigarria dela badakite. Hilabete baten buruan erabakiko delako enpresaren etorkizuna. Orain arteko kudeatzaileek egin ez dutena egiteko unea dela uste dute, Sunsundegik baduelako merkatua eta baduelako zeregina. Aurrera begirako erronka berriei ekiteko garaia dela iritzi dute. Sunsundegi enpresa estrategikoa izan daiteke dagoeneko badatozen mugikortasun eredu berriei aurre egiteko.
351 langile ditu egun, Sunsundegik.
