Hildakoen artean, hamahiru autoan edo furgonetan zihoazen; hiru, motoan; bi, bizikletan; eta bana quadean eta patinetean.
Aurten oinezkorik ez da hil errepide istripuan. Nabarmentzeko moduko datua da; izan ere, 2023an bi oinezkok galdu zuten bizitza, ibilgailu batek harrapaturik.
Azpimarratzeko moduko beste datu bat: 2024an ez da hildakorik izan N-121-A errepidean. 2022ko uztailaren 12an izan zen bide horretan azken ezbehar hilgarria, motorista batek izan zuena hain zuzen ere.
Hildako gehien eragin dituen errepidea, aldiz, Tutera eta Mendavia lotzen dituen NA-134 izan da, hirurekin.
Zer pentsa ematen duen beste datu bat, generoari dagokiona: errepide istripuan hildakoen %82 gizonezkoak dira.
Adinari erreparatuta, hildako gehien 45 eta 54 urte artekoen artean izan dira: bederatzi.
Egutegira so eginez gero ikus daitekeena, hildako gehien izan dituen hilabetea abuztua izan dela, bostekin. Eta maiatzean, aldiz, bakar bat ere ez da izan.
