Oskitz Ruiz Sarrias matematikaria eta NUPeko estatistika irakaslea da. Adimen artifizialak sektore ezberdinetan duen eragina aztertzen du. Oraingoan, hezkuntzaren sektoreaz mintzatu gara Metropoli Forala saioan. Ikerlari iruindarraren esanetan “ez da gertatuko irakaskuntzaren apokalipsia, jakin beharko dugu teknologia gure alde erabiltzen nahiz eta arriskuak nabarmenak diren”.
Azken boladan agertu diren albiste faltsuak aipatu ditugu lehenik: adimen artifizialak irakasleak ordezkatuko dituela; ikasleek ez dutela bere kabuz pentsatuko eta plagioak asko zabalduko direla, besteak beste. Oskitz Ruizek uste du mesede asko eginen duela zuzen erabiliz ikasleen jarraikortasuna neurtzeko, laguntza akademikoa emateko eta irakasleen lana arintzeko. “Nolanahi ere, egungo hezkuntza-sistema ez dago egituraz prest adimen artifiziala egoki garatzeko”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
