“Esaren handitzea pribilegiatu batzuen ingeniaritza harroak eta epe motzeko interes ekonomikoek sustatzen dute, guztiz zaharkiturik dago irizpideekin planteatu zen, eta batzuek aurrera segitu nahi dute, deus gertatuko ez balitz bezala”, adierazi zuen atzo Pueyok Espainiako Diputatuen Kongresuan.
Ezin ahantzi daiteke 2012an, metro koadroko 115 litro jaso zirela Esa inguruan, horrek eskuin mendi hegian mugimenduak eragin zituen, eta horien poderioz Esa herrian bi urbanizazio hustu eta eraitsi behar izan zituzten. Valentziako tanta hotzaren kontuta 300 litro izan dituzte metro koadroko, Esako 2012koen halako bi baino gehiago.
Joan den astean, Aragoiko PPko presidente Jorge Azcon Esa handitzearen alde mintzatu zen. Chuntako diputatu Pueyoren hitzetan, “ez dago ikerketa asko egin beharrik ohartzeko Esa handitu eta bete batean tanta hotz batek arrisku larria eraginen lukeela”.
.@jorge_pueyo95 reclama en el @Congreso_Es la paralización del recrecimiento de Yesa, "un proyecto obsoleto y peligroso ante fenómenos como las danas", en @aragontv pic.twitter.com/xh42k4rawX
— Chunta Aragonesista (@chunta) November 19, 2024
