Bi greba handiren ostean, bestelako protesta bideak aztertzen ari dira irakasleak, departamentuaren jarreraren aurrean. Carlos Gimenok ez badu sobera mugitu nahi proposamenetan, haiek ere ez dira sobera mugituko berez beren lan hitzarmenak jasota duen ordutegi eta jardueretatik. Horrela, aste txurian edo ta English Week bezalako kanpaldietan parte hartzeari uko egitea aztertzen ari dira. Helburua, departamentuaren negoziaketetara indar posizio batekin iristea da. Gaur bilduko dira berriz Gimenorekin, pasa den astean jasotako proposamena eztabaidatzera. Urrats txikiak eta ez nahikoak jarri zituela mahai gainean hezkuntza kontseilariak, ratioen jaitsierari dagokionez bereziki, baina 50 urtetatik goragoko irakasleen lan zaman emandako atzera pausuak konpondu gabe. Sindikatuek konpromezu handiagoak eskatuko dizkiote.
Aste txuria edo English week bezalako kanpaldietan parte hartzeari uko egitea aztertzen ari dira irakasleak
Hezkuntza publikoko irakasleen ordezkari sindikalek gaur dute hitzordu berria Carlos Gimeno kontseilariarekin eta, presio egiteko bide berriak aztertzen ari direla zabaldu dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
