Osasunbideko itxaron zerrendek behera egin dute urrian. Egun, espezialistarekin lehen hitzordua izateko zain daude 63.900 paziente; pasa den udako datuak izan ziren inoizko altuenak 70.800 pertsona baitziren itxaron zerrendan. Azken bi hilabeteotan guztira 7.000 pertsona gutxiago daude lehen kontsultarako zain, eta bereziki txikitu da Oftalmologiako zerrenda: 1.268 paziente gutxiago. Espezialitate gehienek ikusi dute zerrenda txikitzen traumatologiakoak izan ezik. Azken horretan, 12.407 lagun daude zain traumatologo batek ikusteko. Dermatologian 7.807 lagun daude itxaroten eta reabilitaziorako esperoan 7.503.
Osasun Departamentuaren arabera, jaitsiera hori zenbait faktorek eragin dute, hala nola: ezohiko lanaldiak, deribazioak, arreta zerbitzuko zirkuitu berriak eta estrategia berriak martxan jarri izana. Eguberrietara begira ere jarriak daude: Opor egunak izaten dira eta hortaz, itxaron zerrendetarako kaltegarriak, baina Fernando Dominguez kontseilariak iragarria du "kontingentzia plana" ezarriko dutela: kontsultak ongi programatuko dituzte, oporraldia orekatu eta jai egunak ez diren egunetan %100ean eskaintzea arreta.
