Feminismoaren kontrako jarrerak, indarkeria txikiaraztea edo ezeztatzea ere badira indarkeria mota bat. Hori nabarmendu du Nafarroako Gobernuak azaroaren 25erako, Emakumeenganako Indarkeriaren kontrako Nazioarteko Egunerako, sentsibilizazio-kanpainan. Ez diezazutela alderantziz kontatu goiburua du eta hiru ardatz nagusitan jartzen du soa: Indarkeriak badu generoa-ren baitan datuekin utzi dute agerian emakume eta neskatoak direla indarkeria pairatzen dutenen artean %86; zenbait salaketa faltsuak direla diotenentzako mezua da bigarrena, izan ere, jartzen diren salaketa horien %0,0084 dira gezurrezkoak eta azkenik, 'emakume batekin zerbiat egin ahal izateko kontratua sinatu behar dut' esapidea 'emakume batekin zerbait egin ahal izateko bere askatasuna errespetatu behar dut' esaldiarekin aldatu dute.
