Diputatuen Kongresuko osoko bilkurak Espainiako Telebista Publikoko Administrazio Kontseilua berritzeko lege-dekretua onartu zuen atzo eta EAJren proposamena Maria Solana foru parlamentaria izan da. Alderdi sozialista, EAJ, EH Bildu, Sumar, ERC eta Junts alderdiek onartu zuten eta RTVEko kontseilua osatzeko hamaika izeneko hautagaien zerrenda adostu zuten.
Araudi berriak esklusibotasuna eskatzen du eta beraz, Maria Solana Espainiako Telebista Publikoko kontseilari izendatzen badute, Nafarroako Parlamentuan duen eserlekua utzi beharko du. Javier Ollo Altsasuko alkateak ordezkatuko luke bere tokia Geroa Baiko zerrendan.
Solana dagoeneko 2008tik 2011ra RTVEko Aholku Batzordeko kide izan zen eta aurretik ere, politikan egin duen jardunaz harago, albistegiko erredaktore eta esatari lanetan ibili zen.
