"Grebari esker etorri da Hezkuntza Kontseilari, Carlos Gimenoren proposamena", esan dute sindikatuek. "Presioak mugiarazi du hezkuntza departamentua", esan du Steilas sindikatuko Raul Lopezek. Proposamena igorri die kontseilariak bai, baina oraindik ez dute adierazi nahikoa ote den edo ez sindikatuek dituzten eskaerak asetzeko. "Murrizketak sumatzen ditugu", adierazi du Lopezek. Haur Hezkuntzarako ratioen jaitsiera da egindakoen artetik nabarmenena, hori gero Lehen Hezkuntzara ere eramanen dutena. Errefortzuako 1.000 ordu gehiago eta 55 urtetik gorako 1.600 ikasleri zuzeneko eskolak murriztea jaso dute.
"Grebarekin aurrera segituko dugu", esan dute. Oraindik mahai gainean jarritako txostena ongi aztertu eta sindikatuek eurek ekarpenak eginen dituzte. Ostirala arte dute hori egiteko epea eta heldu den asteko asteartean, urriaren 22ean, berriz ere bilduko dira Hezkuntza kontseilariarekin. Hezkuntza publikoko sindikatu guztiak izan dira gaur Gimenorekin bilduta.
