Lanak 2025eko irailean hasiko dituzte eta 2027-2028 denboraldiaren hasierarako amaitzea aurreikusten dute. Taxoareren handitzea taldeak duela hiru urte Nafarroako Gobernuari 7,8 milioi euroan berrerosiriko orubean eginen dute.
Aurrekontua guztira 18 miliioikoa izanen da. Horietatik 13 CVCren mailegutik hartuko dituzte. ETa gainontzeko bostak taldeak finantzako ditu, lanek iraunen duten hiru urteetan. KREAN arkitekto taldeak diseinatu du proiektua. OFS Architecs arduratuko da obrak zuzentzeaz.
🎙️ Unai García: “Oso proiektu polita. Ziur nago etorkizunean berri politak ekarriko dizkigula”#FuturoTajonar #EtorkizunekoTaxoare pic.twitter.com/7lfFS2Q1HD
— C. A. OSASUNA (@Osasuna_eus) September 10, 2024
Osasunak bart aurkeztu zuen proiektua, Sadarren. Ekitaldian gizonezkoen zein emakumezkoen taldeetako hainbat jokalari izan ziren, baita Iruñeko alkate Joseba Asiron ere.
Osasunaren presidente Luis Zabalzaren hitzetan, “harrobirik onenari goi mailako formakuntza eskaintzeko, munta bereko azpiegiturak behar dira”.
Osasunaren zuzendari nagusi Fran Canalen arabera, “2015ean ondarea galdu zuen taldearen proiektu estrategikoa da hau”.
