Arrekontua murriztu beharko da datorren ariketari begira Nafarroako Gobernuan. Hala, 13 departamentuetatik 7tan doikuntzak egin beharko ditzute. Heldu den urteko aurrekontuaren gehikuntza %1ekoa izango da, oso apala, inflazioarena, aldiz % 3,1ekoa.
Gastu batzuk, aldiz, hazi egingo da. Hala izanen da administrazioko langileriaren gastuei dagokienez. Bestalde, Estatuari egindako ekarpena handiagoa izanen da eta udal-finantzaketa ere zertxobait altuagoa, %2,1 zehazki. Hezkuntza eta Osasun departamentuetan ere aurrekontuak zertxobait igoko dira.
Gehien murriztuko den diru partida Gazteria, Etxebizitza eta Politika Migratorioen deparatamentuarena izanen da eta 85 milioitan geldituko da, hau da, egun duena baino %31 gutxiago. Heldu den urteko aurrikuspenen arabera diru sarrerak handituko dira Nafarroan %3an, baina Ogasun departamentuak zuhur jokatzeko beharraz ohartarazi du. Aurrekontuen gastu sapai zehatza ezarriko du gobernuak parlamentuko bere bazkideekin negoziatu ondoren.
