Lehen partida abuztuaren 18ko asteburuan jokatuko dute gorritxoek, etxean, Darko Brasanacen Leganesen aurka. Handik astebetera, Jagoba Arrasateren bisita jasoko dute, bigarren jardunaldian, Sadarren bertan, Mallorca izanen baitute aurkari.
Vicente Morenoren jokalariek lehen derbia urriaren 10eko asteburuan jokatuko dute, Anoetan, Realaren kontra. Abenduan bi izanen dituzte, Alavesen eta Athleticen aurka, biak etxean.
2019tik ohikoa denez, egutegia libre eta asimetrikoa da. Hartara, ez dira bi jardunaldi berdin izanen. Bigarren itzulian, Reala otsailaren hasieran etorriko da Sadarrera, eta martxoaren amaieran joanen da Osasuna San Mames barrira.
Bestalde, Barça irailaren 27ko asteburuan ariko da Sadarren; Real Madrid, otsailaren hamaseikoan.
Ligako azken jardunaldia, maiatzaren 27 asteburuan jokatuko dute, Sadarren, Alaveseko anaia-arreben aurka.
