Kuxkuxean izenarekin sortutako programak bertatik bertara sortu diren talde eta bakarlariei espazioa ematea bilatzen du. Aurtengo edizioan inoiz baino proposamen gehiago bildu dituzte Iruñeko Udalak eta Nafarroako Musika Batzordeak sustatzen duten Kuxkuxean ekimenean: 75 izan dira denera. Irizpideak kontuan hartuta-proposamen berriak izatea, emakumezkoen presentzia, euskarazko eskaintza eta kalitatezkoa izatea- sei talde eta bakarlarik osatuko dute egitaraua. Ekainaren 8an hasi eta urriaren amaierara arte Zentralek hartuko ditu kontzertuetako batzuk eta besteak Nafarroako zenbait herritan izanen dira.
Mouth, Lausoka, Deserrite, Estela Julian, Redocks eta Javi Roblesek irabazi dute Kuxkuxean programazioaren barruan aritzeko aukera.
