Cristina Ibarrolak UPNren XIII. Kongresuan presidente kargua eskuratu berritan esan zuen egoera soziopolitiko berrira egokitu behar dutela, erakargarri bilakatu behar dutela alderdia eta finean, hazi egin behar direla. Gizartearen sektore desberdinak entzun behar dituztela agineratu zuen: migranteak, garraiolariak, osasun arloko langileak… aipatu zituen, besteak beste. "Botoa UPNri ematen diotenei ari natzaie, baina baita ez diotenei ematen ere", esan zuen. Proposamenak biltzeko unea dela adierazi zuen eta jendeari gogorarazi alternatibarik onena dela UPN. Alejandro Toquero izanen da UPNren zuzendaritza taldearen presidenteorde eta Cristina Sota idazkari. UPNren kongresuaren irakurketa egin dute Euskalerria Irratian Berria egunkariko Joxerra Senarrek eta Diario de Noticiaseko Ibai Fernandezek. Hemen entzungai:
Inoizko babes txikienarekin berritu du UPNk zuzendaritza
UPNk egin du bere XIII.Kongresua. Cristina Ibarrola da UPNren presidente, Alejandro Toquero izanen du alboan presidenteorde gisa eta Crsitina Sota dute idazkari. Botoen %81 jaso dute inoizko parte hartzerik txikienean: erroldatuen %25ek eman dute botoa: 2.100 afiliatuen artetik 701 joan ziren botoa ematera. 1985ean bakarrik, alderdia sortu berritan, izan zen boto gutxiago. "Azalberrituta eta betiko UPN", izan dela adierazi du Berria egunkariko Joxerra Senarrek. Diario de Noticiaseko Ibai Fernandezentzat bi irakurketa daude kongresuan gertatutakoaz: "Presidentea aukeratzeko elkartutako afiliatuen babesaren irudia izan zen batetik, eta bestetik, alderdi indartsuena izan zenaren ahulgunearena".
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
