Maria Txibite foru lehendakaria, EAEko lehendakari Iñigo Urkullu eta Akitania Berriko presidente Alain Roussete Erriberriko paradorean elkartuko dira gaur. Hamaika eta erdietan, hiruon arteko bilera eginen dute. Jarraian, 12:00etan, Euroeskualdearen urteko batzarra hasiko da. Batzarra amaituta, 13:30 aldera, paradoreko aretoetako batean, ekitaldi berezia eginen dute, Txibitek Rousseten eskutik jaso dezan euroeskualdeko aginte makila.
Euroeskualdea Euskal Autonomia Erkidegoak eta Akitania Berriko Departamentuak sortu zuten, 2011ko abenduaren 12an, bi lurraldeok Europan duten rol ekonomiko eta soziala indartze aldera. Nafarroako Foru Erkidegoak 2017an egin zuen bat euroeskualdearekin, Uxue Barkos lehendakari zelarik. Esan gabe doa euroeskualdeak Euskal Herriko zazpi lurraldeak biltzen dituela bere baitan, Akitania Berriko Departamentuko beste zenbait luralderekin batera.
