Urdiaingo udalerrian, NA-2410 errepidean, 38 urteko emakume bat hil da auto istripuan. Autoa errepidetik atera da eta hormigoizko pasabide baten aurka jo duenean gertatu da ezbeharra.
Goizeko 07:20ak aldera jaso dute deia SOS Nafarroako larrialdi zerbitzuek eta Altsasuko suhiltzaileek. Iritsi direnean, suhiltzaileek ibilgailuan harrapatuta zegoen emakumea atera dute, eta, ondoren, oinarrizko bizi-euskarriko anbulantzian eraman dute.
Emakumea Nafarroako Unibertsitate Ospitalean hil dela jakinarazi du foruzaingoak. Une honetan ezbeharraren izapideak bideratzen ari dira.
Aurten, errepidean hiltzen den seigarren pertsona da Nafarroan.
