Euskararen ildo estrategikoen aurrekontua % 8,3 indartuko dute aurten. Halaber, Nafarroako Gobernuaren zerbitzuek euskarazko arreta hobetzearekin zerikusia duten bi prozesuren egoera ere izan dute eztabaidagai Euskararen Nafar Kontseiluaren bileran. Hala nola, Merezimenduen Dekretua laster onartzea eta saileko hizkuntza-planak eguneratzea.
Hizkuntza-politiken alor finantzario eta juridikoa izan dute aztergai, eta hiru eremu nabarmendu dituzte gastu-aurreikuspenean: helduen hezkuntza, gazteria eta teknologia berriak, eta esparru sozioekonomikoa. Horretarako, proiektuaren aurrekontua iazkoarekin alderatuta, % 8,3 igo da, 7,3 milioitik 7,9ra.
Gainera, Nafarroako Gobernuko aurrekontuen eztabaidan inbertsioa hobetzeko zain daude oraindik. Hartara, martxoan onartzen diren aurrekontuekin jakingo da zenbatekoa den igoera eta zein izango den Euskarabidearen behin betiko aurrekontua.
