Tafallako alkatetza EH Bilduko Xabier Alcuazen esku dago, eta udal aginte taldeko kide dira, halaber, Iniciativa por Tafalla, Ezker Batua eta Geroa Bai.
UPNk prentsa ohar baten bitartez salatu duenez, EH Bildu “gutxiengo bati mesede egiten dion eredu linguistikoa inposatzeko, funtzio publikoan sartzeko berdintasun, publizitate, meritu eta gaitasun printzipioak urratzen ari da”.
Erregionalisten arabera, “funtzionario izateko euskarazko C1 maila eskatzeak berdintasun printzipioa guztiz urratzen du. Gauza bat da meritu moduan baloratzea eta beste bat exijitzea”.
Dikotomia argia dakusate: UPNren “pentsamendu askatasuna” versus EH Bilduren “inposizio ideologikoa”.
