Zama doinuz arindu ekitaldia eginen dute igandean Etxarri Aranazko Kultur Etxean. Bederatzigarrenez beteko dute oholtza Euskal Herriko abeslari ezagunekin. Sare Herritarrak antolatzen duen ekimena da eta helburu du euskal presoei aplikatzen zaien salbuespenezko legedia salatu eta ematen diren eskubide urraketen zama arintzea.
Xiberots, Koma, Iheskide, Eire, Ibil Bedi, Zigor, Maider Ansa eta Jon Barbarin igoko dira oholtza gainera. Sarrerak eskuragarri daude oraindik 15 euroan eta etxarriaranaz.eus webgunearen bidez eros daitezke. Igandean izanen da Zama doinuz arindu ekitaldia, arratsaldeko bostetan lehen pasea, arratsaldeko zazpi terdietan bigarrena.
