Mikel Urabaien (Paris 365): "Pobrezia kroniko bilakatzen ari da jantokiko erabiltzaileen artean"

Maialen Huarte Arano 2023ko abe. 1a, 13:42

Paris 365 jantoki solidarioak aurten 650 pertsonari emanen die jatekoa urtea amaitzeko hilabete falta den honetan. Iaz baino jende berri gutxiago, baina herritar asko daude aspalditik jantokiaren zerbitzua behar dutenak eta hori pobrezitik atera ezinik dauden seinale dela uste du Mikel Urabaien Paris 365 Fundazioko kideak. "Gastuak %56 handitu zaizkigu eta donazioak %45 jaitsi. Jendearen laguntza behar dugu", eskatu du.

670 erabiltzaile izan ditu 2022an Paris 365 jantoki solidarioak, aurten oraindik hilabete falta denean urtea amaitzeko aurreikusi dute 650 izanen direla. "Datuek diote jaitsi egin dela erabiltzaile berrien kopurua, baina asko dira denbora luzean jantokiaren beharra dutenak", azaldu du Mikel Urabaienek, Paris 365 Fundazioko kideak.

Otorduak ematen dizkie jantoki solidarioak; gosariak, bazkariak eta afariak. Aldaketa sumatu dute baita erabiltzaileen profilean ere: etorkin gehiago ari dira hurbiltzen Paris 365era janari eske. Eta, euren zereginak epe laburrean behintzat beharrezkoa segituko duelako izaten, larrialdiko eskaera egin dute: donazioak behar ditu Paris 365 fundazioan denera iristeko; gastuak %56 hazi zaizkie eta donazioak %45 gutxitu.

Paris 365 proiektuak laguntza behar duela-eta, paris365.org webgunearen bidez donazioak egiteko eskatu dute.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.

Bazkidetu zaitez!

Mikel Urabaien (Paris 365): "Pobrezia kroniko bilakatzen ari da jantokiko erabiltzaileen artean"

Gertuko informazioa, euskaraz