Azken asteotako manifestazioetan erakutsitako ikur frankistak salatu ditu Zurekin Nafarroak

Haritz Pascual Garjon 2023ko aza. 28a, 14:03
Ikur frankistak erakutsi ziren protesten argazkiak aurkeztu ditu Zurekin Nafarroak froga moduan

Pedro Sanchezen gobernu negoziaketen kontra azken asteotan PSNren egoitza eta Parlamentuaren aurrean egindako manifestazioetan ikur eta bandera frankistak erakutsi direla salatu du Zurekin Nafarroa koalizioak. Gobernu ordezkariari eskatu diote gertatutakoak ikertu eta etorkizunean horrelakoak erakustea ekiditeko neurriak har ditzala.

"Gerra fronterik izan ez arren 3.500 hildako izan zituen lurralde batek ezin du onartu, ezin du ontzat hartu, borreroen ikurrak zirenak berriz ere kalean erakustea" adierazi du Gobernu Ordezkaritzaren atean Zurekin Nafarroako bozeramale Carlos Guzmanek, "Azken asteotan izan diren elkarretaratzeetan, Nafarroako armarri ereinozduna bezala. Bertan ziren Espainiako poliziek ikusi zituzten ikur hauek eta ez zuten ezer ez egin hori ekiditeko". Horregatik, ikur hauek erakutsi zuten pertsonen gaineko ikerketa abiatzea eskatu du ezker koalizioak, justiziak erabaki dezan zigorrik merezi ote duten. Gainera, etorkizunean horrelakoak ez errepikatzeko neurriak eskatu dizkiote Espainiako Gobernu ordezkariari.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!