Kalean eginen dituzte aldarrikapenak ostegunean Mugimendu Feministak deitua duen greba orokor feminsita baliatuta. "Zaintza sistema publikoak ziurtatuko du zaintzaileen eta zainduen duintasuna", azaldu du Ekhiñe Petriati Mugimendu Feministako kideak. Aspaldian lanketan ari dira zaintzaren gaiarekin. "Nabarmena da zaintza alorrean dagoen desoreka. Horrekin hautsi beharra dago eta paradigma aldaketa eman dadin lanketa egin behar da oraindik ere", uste du. Bizitzak erdigunean jarriko dituzte osteguneko greban. Modu horretan izanen delako zaintza aintzat hartua. "Zaintzaile asko ezinen dira kalera atera bizitzaren zaintzan ari direlako", nabarmendu du. Greban parte hartzeko aukera dutenek eramenen dute ezinen dutenen ahotsa kalera.
Goizean pikete informatiboak eginen dituzte eta kalejiran aterako dira 10:00etan. Erresidentzietatik pasako dira kazerolak eskuetan eta horrela adieraziko diete elkartasuna bertako langileei. Elkarretaratzea 12:30ean eginen dute Nafarroako Gobernuaren egoitzaren parean. Arratsaldean, 18:00etan manitestazio nagusia izanen da Antoniutitik irtenda.
Entzun Ekhiñe Petriatiti Euskalerria Irratian egindako elkarrizketa argazkian klik eginda.
