Elkarretaratzea egin dute familiek Iruñeko Udal plazan. Haur eskolak euskaraz nahi dituztela esan eta datorren ikasturtetik aurrera Mendillorri, Printzearen Harresi eta Donibane haur eskolak euskarazko eredua eskaini dezaten galdegin diote Udalari. "Egun 0 eta 3 urte arteko etapari haur eskola bakarra eskaintzen zaio murgiltze ereduarekin. Horrek ez du asetzen eskari guztia", salatu dute. "Hamaikagarrenez eskatzen diogu udalari, gure aldarriari jaramonik egiten ez diolako eta hamaikagarrenez elkartuko gara gure haurrek bizitza euskaraz egin dezaten", adierazi dute.
Haur eskola bakarra da euskaraz Iruñean eta ez du eskari guztiari erantzutea lortzen. Mendillorri, Printzearen Harresi eta Donibaneko haur eskolak euskaraz jar ditzatela eskatu dute kalean familiek. "Hizkuntza eskubideak bermatu daitezen eskatzen diogu Iruñeko udalari. Bazterkerirekin bukatu dezala eta zabal dezan Euskaraz hezituak izateko eskubidea auzoz auzo eta herriz herri", aldarrikatu dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!