Zaintza zerbitzu gehienak pribatizatuak daude edo familiak eskaintzen dizkie doan egindako lanaren bidez. Hala esan du LAB sindikatuko ordezkari Amaia Vazquezek. "Lanaldi murriztuak edota eszedentziak eskatu behar izaten dituzte emakumeek eta horrekin ere negozio borobila egiten dute", azaldu du.
Nafarroako Enpresarien Elkargoaren egoitzaren parean egin du sindikatuak protesta. "Patronalak zaintza lanak baliatzen ditu negozioa egiteko", salatu du Imanol Karrera LAB sindikatuko Nafarroako koordinatzaileak. "Zaintzarako eskubide kolektiboa bermatu behar da eta horretarako Zaintza Sistema Publiko Komunitarioa ezarri", eskatu du.
