Ekainaren 17an, Iruñeko Udala osatu zenean, Elma Saizek "Legegintzaldi osoa" zinegotzi moduan emanen zuela esan bazuen ere, sozialisten bozeramaleak aurki udaletxeko eserlekua utzi eta Moncloako Jauregian hartuko du toki berria. Gaur eman da ezagutzera Pedro Sanchezen gobernu osaketa berria. Elma Saizek Gizarte Segurantza ministeritzaren ardura hartuko du, Jose Luis Escrivaren ordez.
Elma Saiz 2003tik dago politikagintzan. Urte horretan Nafarroako parlamentari hautatu zuten. Orduz geroztik, Espainiako Gobernuko ordezkari Nafarroan, Ogasun eta Ekonomia kontseilari eta azken hilabeteotan Iruñeko zinegotzia izan da.
