"Ez da kasualitatea emakumeei lotuta egotea erizaintzaren lanbidea", esan du Lucia Etxeberria erizainak. Historikoki medikuntzaren mendeko lanbidea izan da eta profesionalizatu gabea. "Zainketak baliogabetzen segitzen dira", uste du Etxeberriak. Karitatearekin, erlijioarekin ere zenbaitetan oso lotua egon da erizaintza. "Esanguratsua da zuzendaritza postuetan %25 bakarrik dela emakumea; medikuntzan %10 bakarrik", esan du.
Oraindik ohikoa da pentsatzea emakumeak balio erantsia duela zaintza eskaintzeko: "Enpatia, goxotasuna eta zainketarako berezko abilidadea duela emakumeak gizonak ez bezala", adierazi du. Oraindik gizonak gaitasun handiagoarekin ikusten dira mekanikari izatearekin eta emakumea zainketa lanbideekin. "Azaroaren 30ean lan banaketa nola ematen den aztertu beharko genuke, balio beharko luke horretaz hausnartzeko. Sakoneko aldaketak behar direla agerian geratu behar da", azaldu du.
Entzun Lucia Etxeberria erizainarekin egindako elkarriketa argazkiak klik eginda.
