Nafarroako zahar etxe gehienak esku pribatuetan daude: 72 zahar etxeetatik 2 baino ez dira publikoak. "Zahar etxeetako lan baldintzak ez dira batere onak. Soldata txikiak, lan ordu asko eta baldintza kaxkarrak dituzte", esan du ELA sindikatuko ordezkari Silvia Guillenek. "Adinduen arreta enpresa pribatu batek kudeatzeak ez du ziurtatzen zaintza duina izanen dutenik", hausnartu du. Nafarroako Gobernuarekin hitzarmen propioa erdietsi nahi dute langileek eta eskaera horiek egiteko baliatuko dute azaroaren 30eko greba: "Greba feministen aldarrikapenek bat egiten dute zahar etxeetako langileen eskaerekin", esan du Guillenek. 1.000 euroko soldatak eta ia 1.800 ordu urteko lanaldiak dituztela ere jakinarazi dute.
Entzun Euskalerria Irratian Silvia Guillen ELAko ordezkariari egindako elkarrizketa argazkian klik eginez.
