60 milioi euro beharko lirateke Nafarroako aurrekontuetan txertatu ziurtatzeko gutxieneko pentsio horiek herritar guztientzat. Orain arte sindikatuen babesa jaso du herri ekimenak, ELA eta LABena besteak beste eta alderdi politikoekin biltzeko aukera ere izan dute. Oraingoz EH Bilduk eta Zurekin Nafarroak baino ez ditu entzun. Gainerakoek ez diete euren batzartzeko deiari erantzunik eman.
Gutxieneko pentsioa 1.080 eurokoa izateko aurrekontuetako dirua bideratzeko eskatu diete alderdiei
Gutxieneko pentsioa 1.080 eurokoa izan beharko litzatekeela uste du 1.080 Orain Herri Ekimenak.Nafarroako Gobernuak 2024rako aurrekontuak prestatzen dituenean diru-partida bat gutxieneko pentsioak ziurtatzeko bidera ditzala eskatu diete alderdi politikoei gaur. Parlamentuko lan batzordean egin dituzte eskaerak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
